Tuesday 5 June 2012

Mipuite Ngenna Leh Hriattirna (June 05, 2012)


MIPUITE NGENNA LEH HRIATTIRNA
(June 05, 2012)

Mizoram sawrkar leh HPC in kum 1994 a inremna thuthlung an siam kha a tulam ve ve pawn pal zuta, democracy (mipui ro in relna) bawhchhia a interim period thangkhat lian aia rei hman a ni ta mai hi a zah thlakin a lungchhiat thlak tak zet a. Ram leh hnam hmangaih vanga nun chante khan engtin tak ngai ve ang maw?
Mipui hmasawnna tura kumtin budget 3.5 Crore lo ni ta hi a lawm awm rualin a kalphung dik loh vangin a chuh chak, mahni pumpui chauh hmachhuan ho tan chauh anlo chang ta mai hriat in HPC (D) chu mipui tan ding anih angina mipui te harsatna sutlang turin ke a pen lo thei talo a ni. Thil awm tawhsa thiat tura ding kan ni mai lova, ram leh hnam humhalha, rorelna felfai leh dik a awm theihnan a tul anga ke pen tura inpeihsa diam a ding a ni chu thil chu hrethiama Pu Lalmalsawm Darngawn leh a thawhpui member ten an nihna leh dinhmun ram leh hnam tana an hlanna ropui leh lawmawm kan tih em em lai a, chu dinhmun (lal thut thleng) dik lo taka din lo chuh duhtu kan awm hi a vanduai thlak hle. Chu lal thutthleng leh a rorelna chu mipui chanvo rah behna, corruption zungzam in a bawhphah luk, mupuite thendarhtu, inlungrualna tichhetu leh inpumkhatna ti chhia a, hmelma lianber a chang ta mai hi engtia tan lak tur nge tih a buai lova rilru fim tuinu in a pawlh loh hman hnam hram tumna hi kan hrethiam lo reng anih chuan ram leh hnam tan a inpe te chu tuinu pawh hmang mai turin a inpeih reng tih mipuiin lo hre mawlh rawh se.

Kan khawpui chhuan ber Aizawl hi mithiam, fing leh fel, hausa pui pui chenkhawmna hmun mah hnam dang hmelhriat loh te rorel rukna kan thalai lekhathiam ten an hmuh ruk kar ang hian kan hre ve thovin kan hria. Keini Hmar, Mizoram hmar lam ramri depa ral vengtu anga awm te hi sawrkar hian kan retheihna derchhena min hmuhsit a, min hnungkhirh rengna rilfu hi a Kristian lova, a Mizo lo bawk a ni. Unau hmel in hai a, chibing in lak hran tum leh Mizoram thendarh tum anga min puhchhiat reng hi ana kan ti, bansan vat a hun. India ram thangzel mila kan ke pen tur State sawrkar in phal lova min hup beh reng chuan Builum khuate ang chauhva mahni in leh lo rauhsan san ngai khaw engzat tak awm ang maw? Electric Power project hian ram a tih hmasawn dan chu sawi ngai lovin kan hre ve nual e, mahse “sons of the soil” te kut benga kan retheih si chuan kan zoram hi sahthlak in a awm zawk ani lovang maw? Duhlian tawng in hman vanga in intih Mizo bik em em na pawh bansan a hun tak zet a ni. Zofate zawng zawng hian kan upate thufing, “Sem sem dam dam, ei bil thi thi” hi tih tak zet a kan kalpui a hun ta.

Mizoram a hian Hmar raltlan kan awm lova, Mizo-Hmar te hi raltlan (Refugee) ni lovin Mizoram, mahni inpui bela himna zawnga kir leh kanni. Kan inpui ber Mizoram a buai vanglai khan thenawm State a zohnahthlak unaute bel si zoram mipui kan raltlan a ni zawk mai em?

Tuna kan Chief Minister zahawm tak nilai ngei pawh N.C. Hills ah (Assam) raltlan in vawiin thlengin inhmun leh ram ala neih reng hi zofate hian in hre nange? Thliarkar rilru hi pu tawh lo hram turin Mizo zawng zawng kan ngen a che u.

Democracy, mipuite rorelna dik leh felfai, hmasawnna dik, economic development kawng tinrenga mipuiin rual kan ban ve nan thinlung leh tihtakzeta kan tanrual a hun ta hle. Inlungrual lohna chi tuha, hmangaihtu der Neihthangzai a tactic man thiam a hun ta. Thil reng reng a kal phung dik lo leh a din dan dik lova lalthutthleng hma ah chuan pastor leh kohhran upa pawh thuse, a dik thei chuang lovang ti hre rual tawh te hian hmangaihtu der aw hi hre hrangin hnawl ngam theuh turin Demand area mipui zawng zawng kan sawm in kan hriattir a che u.

Sd/-

(AMOS P. HMAR)
Secretary
Hmar People's Convention (Democratic)
General Headquarters, Sinlung.

No comments:

Post a Comment